Qadir túninde Bas meshitte 3500 adamǵa sáresi taratyldy (FOTO)
Túnderdiń sultany, qasıetti Qadir túninde respýblıkalyq «Áziret Sultan» meshitinde tań namazyna deıin rýhanı ýaǵyz-nasıhat jumysy, qulshylyq amaldary esh úzilmedi. Taraýıh namazy aıaqtalyp, Quran hatym duǵasy jasalynǵannan keıin meshit minberine elimizge belgili ǵalymdar kóterilip, jamaǵatqa túrli taqyrypta nasıhat júrgizdi.
Aıta keteıik, qasıetti Qadir túnine oraı «Qazaqstan» ulttyq arnasy men «Munara tv» telearnasy bul túni Bas meshitten tikeleı túsirilimder júrgizilip, barsha el kórermenderin rýhanııatpen sýsyndatty.
Sondaı-aq, Bas meshit ujymynyń uıytqy bolýymen Qadir túniniń qurmetine oraı búgin meshit aýlasynda 3500 adamǵa tegin sáresi taratyldy.
