QALA BAS IMAMY HALYQARALYQ EREKShE JANDAR KÚNINE ORAI KEZDESÝGE QATYSTY (FOTO)
3 jeltoqsan – Halyqaralyq erekshe jandar kúnine oraı, elordadaǵy «Shuǵyla» múmkindigi shekteýli qarttardyń bos ýaqytyn tıimdi uıymdastyrý qoǵamdyq birlestiginde Astana qalasy ókildiginiń uıymdastyrýymen kezdesý ótti.
Is-sharaǵa Astana qalasynyń jáne «Áziret Sultan» meshitiniń Bas ımamy Erbolat Júsipov, QMDB «Zeket jáne qaıyrymdylyq» qorynyń dırektory Maqsatbek Qaıyrǵalıev qatysty.
Erekshe jandardyń kóńiline qýanysh syılap, meıirim men janashyrlyqtyń jarqyn úlgisin kórsetken jıyn barysynda júrekke jyly taǵylymdy ýaǵyz-nasıhat aıtylyp, qatysýshylarǵa arnaıy syı-sııapattar men arnaıy alǵys hat úlestirildi.
