QALA BAS IMAMY KONSTITÝTsIIaNYŃ 30 JYLDYǴYNA ARNALǴAN JIYNǴA QATYSTY (FOTO)

30 tamyz 2025 1083 0 Оqý rejımi

Astana qalasy Din isteri jónindegi basqarmasy men «QAMQOR-ASTANA» qoǵamdyq qory QR Konstıtýtsııasynyń 30 jyldyǵyna oraı «Ata Zań – Táýelsiz el tuǵyry» taqyrybynda dóńgelek ústel ótkizdi.

Jıynǵa Astana qalasynyń jáne «Áziret Sultan» meshitiniń Bas ımamy Erbolat Júsipov bastaǵan elorda ımamdary qatysyp qaıtty. Sondaı-aq, dóńgelek ústel jumysyna Astana qalasynyń Din isteri jónindegi basqarmasynyń basshysy Kóshqalı Qaırolla Dúıseshuly, dinı birlestikter men olardyń jastar qanaty, sarapshylar men akademııalyq qaýymdastyq ókilderi, qoǵam qaıratkerleri jáne memlekettik organdardyń ókilderi qatysty.

Is-sharanyń basty maqsaty – Qazaqstan Respýblıkasy Konstıtýtsııasynyń konfessııaaralyq kelisimdi, azamattyq biregeılikti jáne quqyqtyq mádenıetti nyǵaıtýdaǵy rólin talqylaý.

Jıynda qala Bas ımamy ata zańymyzǵa degen qurmet pen konfessııaaralyq tatýlyq, el birligi taqyrybynda jasaǵan baıandamasynda: «Búgingi jıyn – elimizdiń negizgi Zańynyń tarıhı mánin, onyń qoǵamdaǵy turaqtylyq pen tatýlyqtaǵy rólin tereń uǵyna otyryp, din ókilderi men jastardyń únqatysý alańyna aınalyp otyr. Bul – asa mańyzdy. Óıtkeni, din men memleket, rýhanııat pen zań bir-birinen bólek uǵymdar emes, qaıta biri ekinshisin tolyqtyryp, qoǵamnyń úılesimdi damýyna jol ashady», dep atap ótti.

Jıyn sońynda elordanyń din qyzmetkerleri Astana qalasynyń Ulttyq mýzeıine Ekskýrsııa jasady.