QALA BAS IMAMY «ÚZDIK USTAZ -2026» BAIQAÝYNYŃ JEŃIMPAZDARYN MARAPATTADY
Astana qalasy ókildigine qarasty «Yryskeldi qajy» meshitinde meshitterde dinı bilim berip júrgen áıel ustazdar arasynda «Úzdik ustaz – 2026» baıqaýy ótti.
Baıqaý jeńimpazdaryn marapattaý rásimine Astana qalasynyń bas ımamy Nurbek qajy Áýeshanuly jáne «Yryskeldi qajy» meshitiniń bas ımamy Nurlan Baıjigituly qatysyp, júldeger ustazdarǵa arnaıy marapattaryn tabystady. Sonymen qatar ustazdarǵa eńbekteriniń jemisti bolyp, shákirt tárbıeleý jolyndaǵy qyzmetterine bereke tiledi.
Bas ımam Nurbek qajy Áýeshanuly ustazdyqtyń jaı ǵana mamandyq emes, úlken jaýapkershilik pen qasıetti amanat ekenin aıtyp, ustazdyń shákirtke sabaq barysynda bilim berýmen ǵana shektelmeıtinin jetkizdi. Onyń aıtýynsha, ustazdyń sózi men isi shákirttiń dúnıetanymyna, minezine, kózqarasyna jáne ómirlik ustanymyna áser etedi.
«Shyn máninde, bilim – adamnyń júregine jaryq túsiretin nur. Al sol nurdy shákirt júregine jetkizetin tulǵa – ustaz. Din jolyndaǵy ustaz eń aldymen bilimimen ǵana emes, minezimen de tárbıeleıdi. Onyń sabyry – sabaq, ádebi – ónege, ádildigi – tárbıe, meıirimi – shákirtke úlgi», – dedi bas ımam.
Sondaı-aq ol dinı bilim beretin ustazdardyń jaýapkershiligi aıryqsha ekenin atap ótti. Óıtkeni ustaz shákirtke bilim úıretip qana qoımaı, onyń dinge degen túsiniginiń qalyptasýyna yqpal etedi.
Bilim saıysy bes kezeń boıynsha uıymdastyryldy. Qatysýshylar aldymen ózin tanystyryp, keıin «Fıqh bilimi», «Din men dástúr», «Qazaqstan tarıhy» baǵyttary boıynsha suraqtarǵa jaýap berdi. Sonymen qatar «Parasat alańy» kezeńinde Ekranda usynylǵan suraqtarǵa jaýap berip, bilimin, oılaý qabileti men ómirlik tájirıbesin kórsetti.
Baıqaý qorytyndysy ár kezeń boıynsha 1-10 baldyq júıemen baǵalandy. Qazylar alqasynyń quramynda Astana qalasy Áıel-qyzdar sektorynyń jetekshisi Kúlsara Mamyrqyzy jáne Bas meshit ustazy Qarlyǵash Qajymálikqyzy boldy.
Baıqaý nátıjesinde júldeli oryndar tómendegideı bólindi:
1-oryn – Aqylhanova Aıgúl, «Aqmeshit» meshitiniń ustazy;
2-oryn – Ýtegenova Mýhlısa, «Kóktal» meshitiniń ustazy;
3-oryn – Aıdana Ábdimajıt, «Sádýaqas qajy Ǵylmanı» meshitiniń ustazy.
Jeńimpazdar men qatysýshylarǵa aqshalaı syılyqtar men alǵys hattar, gúl shoqtary men estelik syılyqtary tabystaldy.
Sýretterdi tolyǵyraq «FOTOGALEREIa» aıdarynan kóre alasyz!
Источник: Aisha
