Qapshaǵaı qalasynda jańa meshit ashyldy (FOTO)

Almaty oblysy, Qapshaǵaı qalasynda 700 oryndyq jańa meshit turǵyzyldy. Alla úıi Táýelsizdik merekesi qarsańynda saltanatty túrde ashylyp, el ıgiligine paıdalanýǵa berildi. Záýlim ǵıbadathana meıram qarsańynda qala turǵyndaryna tamasha tartý boldy. Meshittiń qurylysyna 7 aı   ýaqyt jumsaldy.  Meshit 1,0 myń sharshy metr aýdanǵa ornalasty. Onyń altyn tústes kúmbezi, árqaısysy 27 metrden asatyn eki munarasy bar. Meshittiń aýmaǵynda kishigirim saıabaq, oryndyqtar ornatylǵan.

Saltanatty rásimge QMDB-nyń «Din isteri jáne taldaý» bóliminiń meńgerýshisi Nurbek Esmaǵanbet qatysyp, QMDB-nyń tóraǵasy, bas múftı Serikbaı qajy Satybaldyuly hazrettiń ystyq sálemdemesin jınalanǵan musylman qaýymǵa jetkizdi. Igi iste uıymdastyrýshylyq qabiletin tanytqan Qapshaǵaı qalalyq ortalyq meshitiniń bas ımamy Aldajar Seıitulyna Bas múftı atynan Alǵys hat tabys etildi.

Qala ortalyǵynan turǵyzylǵan meshit óńirdegi ultaralyq, dinaralyq tatýlyqtyń tiregi bolaryna zor senim bildirildi. Ulaǵatty is sharaǵa Almaty óńiriniń ókil ımamy Qýanysh Baqytbekuly, Qazaqstan respýblıkasynyń májilis depýtattary Baqytjan Ertaev, Baqytbek Smaǵul jáne  basqa da zııaly qaýym ókilderi, qala turǵyndary qatysty.