QARAǴANDYDA «MUNARA TV» TELEARNASYNYŃ FILIALY AShYLDY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qaraǵandy oblysyna barǵan saparynda «MUNARA TV» telearnasynyń osy óńirdegi fılıalynyń ashylý rásimine qatysty.
Qaraǵandy oblysynyń bas ımamy Estaı Aıtýǵanuly Bas múftıge stýdııa jumysy men jańa telejobalar jaıly baıandap berdi.
«Ózderińizge belgili, múftııattyń tól telearnasy «MUNARA TV» arnasy búginde halyqqa rýhanı teleónimderdi usynyp, ǵıbratty baǵdarlamalardy kórsetýde. Tól telearnamyzdyń jumys aýqymyn ulǵaıtý maqsatynda Qaraǵandy qalasynan fılıalyn ashyp otyrmyz. Bul bólimshede ázirlengen telejobalar halqymyzdyń rýhanı ómirine oń yqpal etedi degen senimdemin» dep atap ótti Naýryzbaı qajy Taǵanuly.
Bas múftı stýdııa jumysymen tanysyp, ujym qyzmetine sáttilik tilep, arnaıy duǵa jasady.