QASIETTI QURBAN AIT MEREKESI BASTALDY (FOTO)

Búgin ısi musylman jurtynyń ulyq merekesi – qasıetti Qurban aıt meıramy bastaldy. Tórtkúl álemniń túkpir-túkpirinde búgin aıt namazy oqylyp, saýapqa toly mereke óz bastaýyn aldy. Atam zamannan aıt merekesin aıryqsha qadirlegen qazaq eli de búgin tańmen talasa turyp, qulshylyq ordalaryna aǵyldy. Elimizdegi aýmaǵy atshaptyrym alyp meshitterdiń ózi bul kúni jamaǵatqa lyq tolyp, tipti meshit aýlasynda da oryn qalmaıdy. Kóz súısintken bul kórinis halqymyzdyń ımandylyǵynyń, asyl dinimizge degen súıispenshiligi men qurmeti tárizdi.

Elorda tórindegi «Áziret Sultan» meshiti de ádettegideı tań namazynan soń jamaǵatqa lyq tolyp, aıt namazynda myńdaǵan musylman sap túzedi. Kelýshi jamaǵatqa QMDB tóraǵasynyń oyrnbasary, naıb múftı Kenjeáli Qońyratbaıuly qasıetti Qurban aıt merekesi jaıly qysqasha ýaǵyz aıtyp, qurban shalýdyń negizgi sharttaryn túsindirip ótti.

Budan soń Astana qalasynyń bas ımamy Erbolat Júsipov jamaǵatqa aıt namazynyń oqylýyn tártibin túsindirip, ımamdyqqa shyqty. Jamaǵatpen birge tákbir-tashrıq aıtylyp, aıt qutpasy oqyldy. 

Namaz sońynan jamaǵatpen birge duǵa jasalyp, naıb múftı Kenjeáli Qońyratbaıuly elimiz ben jerimizdiń amandyǵyn tilep bata berdi.

https://sun9-2.userapi.com/impg/EwXijVEKMqmfFGTBiPAUzlLCvVOpWU-iXgZkQg/TTqApTVp6Jo.jpg?size=1280x853&quality=95&sign=304296836687c1ebd19d2adee364c87c&type=album