Qasıetti Ramazan boıy qyzmet jasaǵan shákirtter marapattaldy (FOTO)

Nur-Sultan qalasyndaǵy respýblıkalyq «Áziret Sultan» meshitinde búgin sońǵy aýyzashar dastarhany jaıyldy. Berekeli dastarhan basynda qasıetti aı boıy Bas meshittegi qoǵamdyq jumystarǵa belsene atsalysyp, jamaǵatqa qyzmet jasaǵan meshit shákirtterin marapattaý rásimi bolyp ótti.

Aıta keteıik, elimizdiń Bas meshitinde Ramazan aıy boıy kún saıyn 600 janǵa tegin aýyzashar berilip keldi. Osy oraıda kún saıyn jamaǵatqa aýyzashar talondaryn taratyp, dastarhanǵa ornalastyrǵan, aqsham namazy aldynda meshit ishinde qurma men sý qoıyp, taraýıh namazy kezinde tártip pen qaýipsizdikti qadaǵalap, halyqqa qyzmet etken shákirtter eńbegi shynynda qandaı maqtaýǵa bolsyn laıyqty.

Jamaǵatqa jaıylǵan sońǵy aýyzashar dastarhanynda «Áziret Sultan» meshitiniń naıb ımamy Qýat Erǵalıuly jurtshylyqqa erikti shákirtterdi tanystyryp, el aldynda eńbekterin atap ótti. Dastarhan sońynda shákirtterge jáne respýblıkalyq «Áziret Sultan» meshiti uıymdastyrǵan «Ramazan kerýeni» qaıyrymdylyq sharasyna atsalysqan qalamyzdaǵy túrli qoǵamdyq uıymdar ókilderine arnaıy «Alǵys hat» tabystaldy.

Sýretterdi «FOTOGALEREIa» aıdarynan kóre alasyzdar!