Qasıetti Ramazan qarsańynda 40 otbasyǵa qýanysh syılady (FOTO)

Aılardyń sultany bolǵan qasıetti Ramazan qarsańynda Nur-Sultan qalasyndaǵy respýblıkalyq «Áziret Sultan» meshitinde qaıyrymdylyq sharasy ótti. Túrkııa Din isteri basqarmasy men «Zeket jáne qaıyrymdylyq» qorynyń Nur-Sultan ókildiginiń uıymdastyrýymen ótken qaıyrymdylyq sharasynda 40 muqtaj otbasyǵa azyq-túlik qoraby men qasıetti Quran kárim tartý etildi. Sondaı-aq, ár otbasyǵa qarjylaı kómek te qosa berildi.

Saýapty sharaǵa «Áziret Sultan» meshitiniń naıb ımamy Ádilhan Imanáliuly men «Zeket jáne qaıyrymdylyq» qorynyń ókildik boıynsha jaýapty qyzmetkeri Mereı Jaqııa qatysyp, qaıyrymdylyq sharasyn mańyzyn aıtyp, kele jatqan Ramazan aıymen quttyqtady. Túrik elinen kelgen sálemdemeniń jaıyn túsindirip, jamaǵat atynan alǵys bildirdi.

Sýretterdi «FOTOGALEREIa» aıdarynan kóre alasyzdar!