Qasıetti jumada 70 sýretshi «Áziret Sultan» meshitin keskindeýge kiristi (FOTO+VIDEO)

Kúnderdiń sultany bolǵan qasıetti jumada Nur-Sultan qalasyndaǵy «Indigo» kórkemsýret ortalyǵynyń shákirtteri «Áziret Sultan» meshitiniń sýretin salýǵa kiristi. «Meniń súıikti meshitim» degen ataýmen ótken plenErlik sabaqqa jalpy sany 70-ke jýyq shákirtter qatysyp, ajary asqaqtaǵan elimizdiń Bas meshitin túrli qyrynan qaǵaz betine túsirýge tyrysty.

Ortalyq ustazdarynyń aıtýynsha, shákirtter plenErlik sabaq nysany retinde «Áziret Sultan» meshitin tańdaýǵa ózderi usynys bildirip, qazaqy naqyshta órilgen qulshylyq ordasyndaǵy sáýlet ónerin beıneleýge yqylas tanytqan eken.

Qulshylyq ordasyn jaǵalaı qorshap otyrǵan sýretshiler eńbegine kelýshi jamaǵat ta aıryqa qyzyǵýshylyq tanytyp, sheberlikterine qoshamet bildirýmen boldy. Sáýleti kelisken alyp meshittiń sulýlyǵyn qylqalam arqyly jetkizýge tyrysqan jas sýretshilermen arnaıy kezdesip, izgi tilegin bildirgen «Áziret Sultan» meshitiniń birinshi naıb ımamy Marat Bektazınovtyń lebizi shabyt ústine shabyt qosa túskendeı boldy.

Juma namazyna deıin jumystaryn aıaqtap úlgergen jas sýretshiler ózderiniń búgingi týyndylaryn «Áziret Sultan» meshitine tabystap, meshit qyzmetkerlerine ózderiniń ıgi tilekterin jetkizdi.

Sýretterdi «FOTOGALEREIa» aıdarynan kóre alasyzdar!