Qaıyrymdylyq jármeńkesi qaıta jalǵasty (FOTO)

Respýblıkalyq «Áziret Sultan» meshitiniń janynan qurylǵan «Inabat» qyz-kelinshekter klýbynyń uıytqy bolýymen turaqty túrde ótkizilip kele jatqan qaıyrymdylyq jármeńkesi qasıetti juma kúni qaıta jalǵasty. Bıylǵy jyldyń alǵashqy jármeńkesi ádettegideı meshit jamaǵatyn qoldan pisirilgen túrli taǵamdarmen, til úıirgen táttilermen qarsy aldy.

Jármeńke aıasynda arzan baǵada halal ónimder men dárilik qospalar, dinı áshekeı zattar men qolóner týyndylary, dinı-rýhanı kitaptar da satylyp, jármeńke saýdasyn qyzdyra tústi. Aıta keteıik, Bas meshittiń áıel jamaǵaty men shákirtterinen quralǵan «Inabat» qyz-kelinshekter klýbynyń uıymdastyrýymen «Qaıyrymdylyq jármeńkesi» juma kúnderi ótip keledi. Igi sharaǵa atsalysamyn degen nıetti jandar beısenbi kúni óz ónimderin «Áziret Sultan» meshitiniń áıel ustazdaryna ákelip ótkizýge bolady.

Sýretterdi «FOTOGALEREIa» aıdarynan kóre alasyzdar!