QAZAQSTAN QAJYLARY – MINA JAZYǴYNDA (FOTO)

Qasıetti Mekkege kelgen qajylarymyz búgin Mına jazyǵyna jınaldy. Mıssııa ókilderi qazaqstandyq qajylar ornalasqan shatyrlardy aralap, belgilengen taqyryptarda ýaǵyz aıtýda.

Mına jazyǵy – Mekke men Mýzdalıfa arasynda ornalasqan, Haram aımaǵyna kiretin qasıetti jer. Qajylyq kezindegi qurban shalý, shaıtanǵa tas atý sekildi qulshylyqtardyń bári osy jerde jasalady. Bul jerde Adam ata jánnatty suraǵan, Haq Taǵala Ibrahım paıǵambardy (oǵan Allanyń sálemi bolsyn) meıirimine bólep kókten kók qoshqar túsirgen. Ardaqty Muhammed (oǵan Allanyń salaýaty men sálemi bolsyn) paıǵambarymyz Mekkeden Mádınaǵa attanar aldynda Mınaǵa toqtap, qulshylyq etken. Sondyqtan musylmandar úshin Mına jazyǵynyń qadir-qasıeti erekshe.

Aıta keteıik, Ihram kıim, tálbıe aıtyp Mınaǵa jetken qazaqstandyq 4000 qajy arnaıy tigilgen shatyrlar astynda Quran, namaz oqyp, ýaǵyz-nasıhat tyńdap kún uıasyna batqansha toqtaýsyz qulshylyq jasaıdy. Osy jerde túnep, erteń Arafat taýyna attanady.