QAZAQSTAN JÁNE POLShA MÚFTII ORTAQ MEMORANDÝMǴA QOL QOIDY (FOTO)

Búgin Astana qalasynda Qazaqstan musylmandary dinı basqarmasynyń tóraǵasy Naýryzbaı qajy Taǵanuly men Polsha Respýblıkasy musylmandary dinı odaǵynyń Joǵarǵy alqasynyń tóraǵasy Tomash Mıskevıch kezdesip, ekijaqty memorandýmǵa qol qoıdy.

Ózara yntymaqtasty arttyrýdy kózdeıtin kelisim qujatynda dinı salada ortaq jobalardy júzege asyrý, dinı merekelerdi anyqtaýda birlese qyzmet etý, ortaq pátýa qabyldaý, birlesken konferentsııalar ótkizý, tájirıbe almasý syndy baǵyttar qamtylǵan.

«Kelisim qujaty eki eldiń dinı saladaǵy baılanysyn arttyryp, ortaq maqsattarymyzdy birlese júzege asyrýǵa septigin tıgizedi dep senemin. Alla Taǵala qolǵa alǵan isterimizge bereke násip etkeı» dedi Naýryzbaı qajy Taǵanuly.

​

Источник: Aidos