QAZAQSTANǴA ÁL-AZHAR ShEIHY KELEDI (FOTO)
Elordamyz Nur-Sultan qalasyna ál-Azhar sheıhy, Joǵarǵy ımam Ahmet Taıyp keledi. Ahmet Taıyp 14-15 qyrkúıek kúni elordadaǵy Táýelsizdik saraıynda ótetin Álemdik jáne dástúrli dinder lıderleriniń VII Sezine qatysady dep kútilýde.
Ál-Azhar ýnıversıteti baı tarıhı bar Islam áleminiń negizgi bilim berý, ǵylymı-rýhanı ortalyqtarynyń biri. Ál-Azhar ýnıversıtetinen kóptegen bilikti din mamandary men ǵalymdary shyqty.
Ýnıversıtettiń janynda qabyrǵasy 970-972 jyldary qalanǵan ál-Azhar meshiti bar. Bul meshit Mysyrdaǵy jáne musylman álemindegi eń tanymal meshit sanalady. Joǵarǵy ımam Ahmet Taıyp buǵan deıin osy ýnıversıtettiń rektory jáne Mysyrdyń Bas múftıi bolǵan. 2010 jyldan beri ál-Azhar sheıhy qyzmetin atqaryp keledi.
Aıta keteıik, Joǵarǵy ımam elimizge jasaıtyn saparynda Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulymen kezdesip, eki el arasyndaǵy rýhanı-mádenı baılanysty nyǵaıtý máselesin talqylaıdy.
