QAJYLARDYŃ ALǴAShQY LEGI OTANYMYZǴA ORALDY (FOTO)

Mekke qalasynda qajylyq rásimderin aıaqtaǵan qazaqstandyq qajylardyń alǵashqy legi Otanymyzǵa oraldy.

Jıdda – Almaty baǵyty boıynsha tikeleı reıspen ushqan 430 otandasymyzdy Qajylyq mıssııasy tóraǵasynyń orynbasary Ershat Ońǵar shyǵaryp salǵan bolatyn.

Búgin qajylarymyzdyń keıbir bóligi qasıetti Mádına qalasyna attanýda. Olar ardaqty Paıǵambarymyz (oǵan Allanyń salaýaty men sálemi bolsyn) meshitin zııarat etip, Mádına halyqaralyq áýejaıynan elimizge ushady.

Aıta ketsek, bıyl elimizden kelgen 4 myń jerlesimiz qajylyq paryzyn ótedi. Bas múftı bastaǵan Qajylyq mıssııasy Mekke qalasynda ashylǵan jumys keńsesinde bes baǵyt, ıaǵnı ýaǵyz-nasıhat, alǵashqy medıtsınalyq kómek, uıymdastyrý-úılestirý, pátýa berý, aqparat taratý boıynsha jumys istedi.

​