Qajylyq mıssııasy qasıetti oryndardy zııarat etti

Qazaqstan Qajylyq mıssııasynyń tóraǵasy Baýyrjan Əbdirashuly bastaǵan din qyzmetkerleri Mədına qalasynda ornalasqan əıgili Quba meshitinde boldy.

Quba – Islam dinindegi erekshe meshit. Ol Nurly Mədınada turǵyzylǵan alǵashqy Alla úıi. Quba meshitiniń qurylysyna paıǵambarymyz Muhammedtiń (oǵan Allanyń salaýaty men səlemi bolsyn) qoly tıgen.

Alla Elshisi: Quba meshitindegi namaz – umraǵa (kishi qajylyqqa) teń, – degen.

Mıssııa músheleri Quba meshitinen keıin Mədınadan 180 shaqyrym qashyqtyqta jatqan Haıbar shaıqasy bolǵan oryndy zııarat etti. QMDB Sharıǵat jəne pətýa bóliminiń meńgerýshisi Sansyzbaı Qurbanuly shaıqasta sheıit bolǵan sahabalardyń rýhyna qasıetti Quran aıattaryn baǵyshtady. Haıbar shaıqasy  hıjranyń jetinshi ǵasyrynda Muharram aıynda bolǵan.

Haıbar shaıqasyna qatysqan sahabalardyń sany 1400, onyń ishinde 200 adam atty áskerde bolǵan. Sonymen qatar, bul shaıqasqa musylman er kisilermen birge bir top sahaba áıelder de qatysqan. Olar naýqastardy emdep, as ázirlegen.