«Qajylyq» qorynan aqmolalyq 7 ımam jalaqy aldy (FOTO)

Bıyl alǵash ret Bas múftıdiń bastamasymen «Qajylyq» qorynan jergilikti jerdegi dinı qyzmetkerlerge jalaqy tóleýge sheshim qabyldanǵan bolatyn. Osy bastama aıasynda Naýan haziret meshitiniń bas ımamy Qýanysh Sábıt Aqmola oblysy boıynsha jeti ımamǵa «Qajylyq» qordan tólenetin jalaqyny saltanatty jaǵdaıda tabys etti.

Bul respýblıkalyq qordan ár adamǵa elý myń teńge kóleminde júıeli bir jylǵa tólenetin bolyp sheshildi. Ókil ımam óz sózinde sońǵy ýaqyttary ımam-moldalarǵa qarjylaı qoldaý bildirý jaqsaryp kele jatqanyn aıtty. «Qajylyq» qor respýblıka boıynsha júzden asa adamǵa jalaqy tólese, buǵan bizdiń oblystan jeti din qyzmetkeri enip otyr.