Qajylyqqa jaýapty ókilder Shymkentte bas qosty (FOTO)
Shymkent qalasynda qajylyqqa jaýapty ókilderdiń keńeıtilgen semınary ótti. Semınarǵa QMDB Qajylyq bóliminiń meńgerýshisi Jándillá Bekjigitov, «Tawaf Travel» qajylyq kompanııasynyń dırektory Bektemir Iskakov, Shymkent qalasynyń bas ımamy Baqdaýlet Abdrahmanov jáne elimizdiń ár óńirinen qajylyqqa jaýapty ókilder qatysty.
Jıyn qasıetti Quran oqýmen bastaldy. Odan ary QMDB Qajylyq bóliminiń meńgerýshisi Jándillá Bekjigitov arnaıy baıandama jasap, qajylyqqa qatysty túıtkildi máselelerdi túsindirip, óńirdegi jetekshilerge naqty tapsyrmalar berdi.
«Qajylyq pen umra – ımandylyqqa, izgilikke, kórkem minez, meıirimdilik pen qaıyrymdylyqqa úndeıdi. Ony qoǵamǵa tıgizer rýhanı paıdasy ushan teńiz. Al «Tawaf Travel» qajylyq kompanııasy – elimizde qajylyq mádenıetin qalyptastyrý, qajylyq pen umranyń eń áýeli qulshylyq ekenin, onyń úkimderi men talaptarynyń durys oryndalýy úshin uly saparǵa bilikti ımam, ustazdardy jetekshi retinde jiberip, durys qulshylyq úlgisin nasıhattaý maqsatynda jumys jasap jatqan QMDB-nyń qajylyq kompanııasy. Sondaı-aq álemdik ozyq tájirıbege sáıkes, qajylyqqa deıin sapaly qulshylyq jasaý úshin árbir óńirde qajylyq oqytý ortalyqtaryn ashyp, arnaıy kýrstar uıymdastyrý qajet», – dedi Jándillá Bekjigitov.
Sondaı-aq, «Tawaf Travel» qajylyq kompanııasynyń dırektory Bektemir Iskakov arnaıy dáris oqydy. «Qazaqstan musylmandary dinı basqarmasy otandyq týrızmdi damytýǵa úles qosý maqsatynda «Darhan Dala Travel» fırmasyn iske qosty. Negizgi maqsaty – halyq arasynda din men dástúrimizge saı kıeli oryndardy zııarat etý mádenıetin qalyptastyrý, jurtshylyqqa sharıǵat ádebin saqtaýdy úıretý bolyp sanalady. «Darhan Dala Travel» birneshe baǵyt boıynsha jumys isteıdi. Atap aıtqanda, sheteldegi jáne elimizdegi kıeli oryndarǵa zııarat, densaýlyq, Ekotýrızm baǵyty boıynsha arnaıy sapar uıymdastyrady», – dedi Bektemir Iskakov.
Basqosý aıasynda «Tawaf Travel» qajylyq kompanııasy men «Darhan Dala Travel» týrıstik fırmasynyń óńirlerdegi jaýapty ókilderine arnaıy kýálik tabystaldy. Qalanyń bas ımamy Baqdaýlet Nurmatuly uly sapar aldynda jaýapty ókilderiniń basqosý jıynyn Shymkent qalasynda uıymdastyrǵan QMDB qyzmetkerlerine alǵys aıtty.
Источник: Aidos
