«QAJYNYŃ RÝHANI KELBETI» QUJATY NASIHATTALYP, TÝROPERATORLAR TANYSTYRYLDY (FOTO)

Búgin juma namazynan keıingi pátýa saǵatynda «Áziret Sultan»  meshitiniń ustazy Shalqar Joldy QMDB-nan bekitilgen «Qajynyń rýhanı kelbeti»  qujatyn tanystyryp, halqymyz qajylyqqa barǵan azamattardy «qajy» dep qurmettep, olarǵa erekshe iltıpat kórsetetin, qajylar da óz kezeginde kórkem minezimen, adaldyǵymen, ádildigimen ózgelerge ónege bolýy tıis ekeni týraly jan-jaqty túsindirdi.

Kelesi kezekte Múftııat qajylyqqa  qyzmet kórsetetin 17 týroperatordy bekitip, resmı saıtynda konkýrstan ótken kompanııalardyń tizimin de jarııalaǵanyn, bul kompanııalar qajylardyń qaýipsizdigine, olardy Mekke-Medınaǵa aparyp-ákelýge, qonaqúı jáne as-sýmen, transportpen qamtamasyz etýge jáne tıisti qujattaryn rásimdeýge mindetteletinin tolyq túsindirdi. Sondyqtan qajylyqqa nıet etýshiler ártúrli keleńsizdikke  tap bolmas úshin solarǵa ǵana júginýge shaqyrdy.