QMDB: 130 otbasyna aıttyq berildi (FOTO)

Qazaqstan musylmandary dinı basqarmasy "Zeket" qory jáne "Mýftııat jastarynyń" uıytqy bolýymen Nur-Sultan qalasynda 130 otbasyna aıttyq berildi.

Igi sharaǵa QMDB tóraǵa orynbasary, naıb múftı Baýyrjan qajy Əbdirashuly, "Zeket" qorynyń dırektory Talǵat Seıitkərimuly jəne Mýftııattyń belsendi jastary qatysty.
Aıtýly aıt merekesi kúni uıymdastyrylǵan izgi sharada sóz alǵan naıb múftı Baýyrjan qajy Əbdirashuly:

"Bul - múftııattyń búgingi ulyq merekemiz aıt kúninde ózderińizge usynyp otyrǵan syılyǵy. Jýyrda Bas múftıimiz Serikbaı qajy Oraz jamaǵatqa joldaǵan úndeýinde aıt kúni bala-shaǵa, aǵaıyn-týys, barsha qaýymdy qýanyshqa bóleý - saýapty amal ekenin atap ótti. Aıttaryńyz qabyl, qýanyshty sətterimiz kóp bolsyn. Jaratýshy Jabbar Iemiz ər januıaǵa jar bolsyn", - degen ıgi nıetin jetkizdi.

Múftııattan aıttyq alǵan azamattar "Zeket" qorynyń qyzmetkerlerine, jalpy jastarǵa alǵysyn jaýdyrdy.