QMDB alańynda dinı ońaltý sýbektilerimen arnaıy vebınar ótti (FOTO)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń qatysýymen QMDB atqaryp otyrǵan teologııalyq ońaltý jumysyn júıelendirý jáne jetildirý maqsatynda dinı ońaltý sýbektilerimen arnaıy vebınar ótti.
Is-sharaǵa QMDB Ortalyq apparatynyń dinı ońaltý, aqparat, ýaǵyz-nasıhat jumystaryna jaýapty basshylary men mamandary jáne dinı birlestiktiń 19 aýmaqtyq fılıaldarynyń ókiletti qyzmetkerleri belsendi qatysty.
Sondaı-aq, aýmaqtaǵy QMDB qyzmetkerleri men din salasynda ókiletti memlekettik organdardyń dinı ońaltý baǵytynda atqaratyn jumystarynda ózara árekettesýdiń tıimdiligin arttyrý maqsatynda QMDB uıymdastyrǵan vebınarǵa QR AQDM Din isteri komıteti tóraǵasynyń orynbasary Baýyrjan Jáleluly men DIK Ońaltý jumysyn úılestirý basqarmasynyń basshysy Erlan Jumajanuly jáne aýmaqtyq Din isteri basqarmalarynyń ókilderi qatysty.
Is-shara alǵy sózinde Bas Múftı Naýryzbaı qajy Taǵanuly jat dinı aǵymdarǵa erip adasyp júrgen dindar azamattarymyzdy ońaltýda QMDB qyzmetkerleriniń jaýapkershiliginiń óte joǵary ekenin basa aıtyp, bul baǵyttaǵy qyzmettiń jaýapty ári saýapty is ekenin alǵa tartty.
Múftıdiń keńesshisi jáne QMDB Dinı ońaltý bóliminiń mamandary arnaıy kásibı biliktiligi men ońaltý jumysynda jınaǵan oń tájirıbelerimen bólise otyryp, elimizde is-áreketi kórinis tapqan jat dinı aǵymdardyń bizdiń qoǵamǵa qaterli tustary men olardyń jaqtastarymen jumys jasaý spetsıfıkasyn, ońaltý jumysyn tıimdi uıymdastyrýdyń algorıtmi men jumys nátıjelerin durys taldaýdyń joldaryn dinı ońaltý sýbektilerine naqty mysaldardyń negizinde jáne grafıkalyq formatta ashyp kórsetti.
Al, QMDB Almaty qalasyndaǵy, Batys-Qazaqstan jáne Shyǵys-Qazaqstan oblystaryndaǵy fılıaldarynyń dinı ońaltýǵa jaýapty mamandary jat dinı aǵym jaqtastarymen ońaltý jumysyndaǵy oń tájirıbesimen bólisti.
Óz kezeginde, vebınarǵa qatysýshy din salasynda ókiletti memlekettik organnyń ókilderi jergilikti Din isteri basqarmalarynyń qyzmetkerleri men QMDB fılıaldarynyń mamandarynyń ózara árekettesýleriniń mańyzdylyǵy men tıimdiligin nazarǵa salyp, onyń formatyn jáne mazmunyn naqtylap berdi.
