QMDB AQPARAT RESÝRSTARYNA 24 299 KONTENT JARIIaLANDY
Qazaqstan musylmandary dinı basqarmasynyń www.muftyat.kz resmı saıtyna jáne ókildikterge qarasty barlyq aqparat resýrsyna jyl basynan beri 24 299 kontent jarııalandy. Bul týraly QMDB Aqparat bóliminiń meńgerýshisi Aǵabek Sydyqov aıtty.
Elordada ótken keńeıtilgen Ortalyq apparat jınalysynda Aǵabek Qonarbaıuly «Aqparat jáne aǵartý» baǵytynda qańtar-tamyz aılarynyń esebin Bas múftı Naýryzbaı qajy Taǵanulyna baıandady.
«Dinı basqarmanyń resmı jáne ókildikterge qarasty saıttaryna 24 299 materıal salyndy. Segiz aı ishinde «MUFTIYAT» baspasynan 12 kitap jaryq kórse, «Munara» gazetinde «Islam – yntymaq pen birlik dini» aıdary turaqty túrde júrgizilip, búginge deıin 22 maqala jarııalandy. Múftııattyń tól telearnasy «Munara TV» TsETV-ǵa qosylyp, 9 ókildikte fılıalyn ashty. Jańa maýsymda kórermen qaýymǵa jańa telejobalar, podkast suhbattar men mazmundy telehıkaıalar usynýda» dedi bólim meńgerýshisi.
Sondaı-aq Aǵabek Qonarbaıuly bıyl jýrnalıster kúni qarsańynda «Izgilik jarshysy» medaıforýmy ótip, QMDB janynan Bas redaktorlar alqasy qurylǵanyn jáne «Múftııattyń Elektrondy kitaphanasy» ázirlengenin tilge tıek etti.
