QMDB Áıel-qyzdar sektoryna jańa meńgerýshi taǵaıyndaldy (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń buıryǵymen Ýaǵyz-nasıhat bólimine qarasty Áıel-qyzdar sektorynyń jańa meńgerýshisi taǵaıyndaldy. 

«Dınara Nurǵalıeva Qazaqstan musylmandary dinı basqarmasynyń fılıaly respýblıkalyq «Áziret Sultan» meshitiniń ustazy qyzmetinen bosatylyp, QMDB Ýaǵyz-nasıhat bólimine qarasty Áıel-qyzdar sektorynyń meńgerýshisi bolyp taǵaıyndalsyn» delingen Bas múftı buıryǵynda. 

QMDB Tóraǵasy Naýryzbaı qajy Taǵanuly Dınara Qutqojaqyzyn aımaqtaǵy Áıel-qyzdar sektoryna jaýapty ustazdarǵa tanystyryp, jumysyna sáttilik tiledi. Sonymen qatar sektor qyzmetin jańa deńgeıge kóterip, ıgi is-sharalarǵa uıytqy bolýdy tapsyrdy. 

Bas múftı buǵan deıin sektor jumysyna jaýapty bolyp kelgen Aqbópe Qanatqyzyna alǵysyn jetkizip, osy saladaǵy kóp jyldar boıy atqarǵan jaýapty da saýapty qyzmeti úshin shynaıy rızashylyǵyn bildirdi.