QMDB: BIYL RAMAZAN AIY 23 NAÝRYZDA BASTALADY (FOTO)

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Ramazan aıyna oraı BAQ ókilderiniń qatysýymen baspasóz máslıhatyn ótkizdi. 

QMDB Tóraǵasy musylman úmmeti úshin ulyq sanalǵan Ramazan aıy jaıly baıandap, jýrnalısterdiń suraǵyna jaýap berdi. 

«Biz Ortalyq Azııa elderiniń múftılerimen, ondaǵy pátýa salasyna jaýapty ǵalymdarmen aqyldasa kele jáne ǵylymı zertteýler nátıjesin eskerip, ortaq sheshim qabyldadyq. Alla qalasa, bıyl ramazan aıy 23 naýryzda bastalady. Al sáýir aıynyń 17-nen 18-ne qaraǵan tún – qasıetti Qadir túni. 21 sáýir – oraza aıt merekesi» dedi Naýryzbaı qajy Taǵanuly.

​