QMDB: BÓLIM MEŃGERÝShILERI MEN MEKEME BASShYLARY ESEP BERDI (FOTO)
Qazaqstan musylmandary dinı basqarmasynyń 2022 jyldy qorytyndylaýǵa arnalǵan Tóralqa májilisiniń ekinshi kúni basshylyq quram, bólim meńgerýshileri men mekeme basshylary, sondaı-aq múftııattyń Túrkııa, Mysyr jáne Saýd Arabııasy Koroldigindegi jaýapty ókilderi baıandama jasady.
Bas múftı Naýryzbaı qajy Taǵanulynyń tóraǵalyǵymen ótken májilis dástúr boıynsha qasıetti Quran Kárim aıattaryn oqýmen bastaldy.
«2022 jyl halqymyz úshin syndarly sáttermen bastaldy. Memleket basshysy Qasym-Jomart Toqaev jaǵdaıdy der kezinde baǵamdap, tabandy sheshim qabyldady. Allaǵa shúkir, el basyna túsken synaqty birtutas el bolyp eńserdik.
Biz jyl basyndaǵy eldegi jaǵdaıǵa baılanysty 2022 jyldy dinı qyzmet aıasynda «Islam – yntymaq pen birlik dini» jyly dep jarııaladyq. Allaǵa shúkir, osy bastama aıasynda josparlanǵan birqatar bastamalar men is-sharalar júzege asty» dep atap ótti QMDB Tóraǵasy.
Tóralqa májilisiniń alǵashqy baıandamasyn Bas múftı keńesshisi Kenjetaı Baıkemeluly bastasa, Dinı bilim jáne kadr daıarlaý bóliminiń meńgerýshisi Smaıyl Seıtbekov, Ýaǵyz-nasıhat bóliminiń meńgerýshisi Batyrjan Mansurov, Dinı ońaltý bóliminiń meńgerýshisi Hasan Amanqul, Dinı saraptama bóliminiń meńgerýshisi Nurlan Qaıyrbekov pen Meshit isteri bóliminiń meńgerýshisi Marat Abdýllauly jalǵastyrdy. Sondaı-aq Dinı basqarmaǵa qarasty «Halal Damý» standarttaý jáne sertıfıkattaý mekemesiniń dırektory Aıbek Asqarbekuly, Respýblıkalyq bas meshittiń ımamy Qanat Qydyrmın men Hýsamýddın ás-Syǵanaqı atyndaǵy ıslam ınstıtýtynyń dırektory Baǵdat Manabaev jáne múftııattyń Túrkııa, Mysyr jáne Saýd Arabııasy Koroldigindegi ókilderi ári osy elderdegi «Talaba» qaýymdastyǵynyń jetekshileri Jandos Aıtbaı, Rýslan Serǵazıev pen Abdýlahad Smanovtar 2022 jyly atqarylǵan jumystaryn baıandap berdi.
Májiliske qatysýshy bólim meńgerýshileri men oblystyq ókildikterdiń bas ımamdary usynys-pikirlerin ortaǵa saldy. Bas múftı Naýryzbaı qajy Taǵanuly barsha din qyzmetkerlerine alǵysyn bildirip, múftııat jumysyn áli de jetildire berý qajettigin, aldaǵy jyly budan da joǵary deńgeıde eleýli isterdi atqarý kerektigin eske saldy.
