QMDB: Egov.press saıtynda jarııalanǵan onlaın petıtsııaǵa qatysty málimdeme
Qurmetti musylman qaýym!
Onlaın petıtsııalarǵa arnalǵan egov.press dep atalatyn caıtta Azamat Torybaev esimdi avtor «QMDB meshitterin Qazaqstan bıýdjetinen qarjylandyrýyn talap etemiz!» degen taqyrypta petıtsııa jarııalaǵan eken. Sondaı-aq bul máseleni el Prezıdenti erteń saǵat 21:52-de sheshetini jaıly jalǵan aqparat berilipti.
Saıtta jarııalanǵan jazbada «Qazaqstan musylmandary dinı basqarmasy (QMDB) meshitterin Qazaqstan Respýblıkasy bıýdjetinen qarjylandyrýyn talap etemiz! Qazirgi ýaqytta Úkimetten eshqandaı qaıyr joq, jaryq, gaz, sý shyǵyndaryn halyq aqsha jınap tóleýde. Qazaqstan musylmandary dinı basqarmasynyń meshitteri men medreselerine bıýdjetten qarjy bólýdi talap etemiz» deı kele, osy jazbany barynsha kóbirek taratyp, BAQ-ta jarııalaýdy usynypty.
Osyǵan baılanysty Qazaqstan musylmandary dinı basqarmasy atalǵan petıtsııaǵa eshqandaı qatysy joq ekenin málimdep, óziniń kelispeýshiligin bildiredi. QMDB respýblıkalyq ıslamı dinı birlestigi – Qazaqstan musylmandarynyń erikti birlestigi. Dinı basqarma Úkimetten eshqandaı qarjylandyrýdy talap etpeıdi.
Sondyqtan jamaǵatty túrli alypqashpa, arandatýshy jazbalarǵa senbeı, QMDB-ǵa qarasty resmı aqparattardy Dinı basqarmanyń muftyat.kz resmı saıtynan alýǵa shaqyramyz.
