QMDB ǴULAMALAR KEŃESINIŃ HHHV MÁJILISI ÓTÝDE (FOTO)

Búgin Túrkistan qalasynda Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasy janyndaǵy Ǵulamalar keńesiniń HHXV májilisi bastaldy.

Jıyndy ashqan Bas múftı Naýryzbaı qajy Taǵanuly: «Biz jyl basynan beri sizderdiń qoldaýlaryńyzben tarıhı bastamalardy júzege asyryp kelemiz. Atap aıtqanda, Qazaqstan musylmandary dinı basqarmasy janynan Aqsaqaldar keńesin qurdyq. Birneshe oblysta aımaqtyq aqsaqaldar forýmyn ótkizdik. Aǵartý salasy boıynsha birneshe kitaptar oqyrmanǵa jol tartty.

Bıylǵy «Islam – yntymaq pen birlik dini» jyly aıasynda ártúrli formatta forým ótkizdik. Qazaqstan musylmandary dinı basqarmasy janynan Sarapshylar keńesin qurdyq. Bul bastama memleket jáne qoǵam tarapynan úlken qoldaýǵa ıe bolýda.

Aıryqsha aıta keter jaıttyń biri – Túrkistan qalasynda túrkitildes memleketterdiń «Múftıler alqasy» ótti. Bul tarıhı is-sharamyz da úlken qoldaýǵa ıe bolyp, áli kúnge deıin qoǵam arasynda oń pikir aıtylýda» dedi.

Aıta ketsek, májiliste «Zeınetaqy qory jınaǵynan zeket berý úkimi», «Máıittiń denesin tilýdiń úkimi», «Sıýtsaıdyń sharıǵı úkimi», «Dárigerdiń nusqaýynsyz tramadoldy qoldanýdyń úkimi», «Qan donorlyǵynyń úkimi» t.b. pátýalardyń mátini talqylanýda.

Basqosýda budan bólek «Ulttyq qundylyqtardy nasıhattaýdaǵy QMDB róli», «Babalar izimen: Qazaqstandaǵy musylmandyq mektep», «Islam Entsıklopedııasy» eńbekteri men qujattardyń mazmuny qaralýda.