QMDB men «Hareket» qory ortaq memorandým qabyldady (FOTO)
Astanada Qazaqstan musylmandary dinı basqarmasy men ««Hareket» qaıyrymdylyq qory» arasynda ózara yntymaqtastyq týraly memorandým qabyldandy. Memorandýmǵa qol qoıý rásimine QMDB tarapynan naıb múftı Alaý Ádilbaı, qor atynan dırektor Alǵadaı Ábilǵazyuly qatysty.
QMDB tóraǵa orynbasary Alaý Shaıqymuly ózara yqpaldastyqty arttyrýdy kózdeıtin memorandým dástúrli rýhanı adamgershilik pen dinı qundylyqtardy damytýǵa, beıbitshilikti, qoǵamdaǵy dostyq pen kelisimdi nyǵaıtýǵa, turaqtylyqty qoldaýǵa, radıkalızm men dinı Ekstremızmniń aldyn alýǵa qyzmet etetinin atap ótti.
Taraptar tómendegi baǵyttar boıynsha birlese qyzmet etpek:
- jastardyń bilimin arttyrý, ǵylymdy, mádenıetti, dindi órkendetý;
- qoǵamnyń, onyń ishinde jastardyń dinı saýattylyǵyn arttyrý, radıkalızm, dinı Ekstremızm men terrorızmdi aldyn alý;
- halyq arasynda aqparattyq-aǵartý jumysyn kúsheıtý, qoǵamdaǵy turaqtylyqty, Etnosaralyq jáne dinaralyq kelisimdi saqtaý, azamattardyń destrýktıvti dinı ıdeologııaǵa qarsy ımmýnıtetin qalyptastyrý;
- destrýktıvti dinı aǵymdardyń áreketterinen zardap shekken azamattarǵa psıhologııalyq, quqyqtyq kómek kórsetý jáne áleýmettik ońaltý;
- oqý kýrstaryn, trenıngter, semınarlar men basqa da forýmdar uıymdastyrý;
- otbasy men qoǵamnyń adamgershilik, moraldyq negizderin saqtaý, dástúrli Islam qundylyqtaryn jáne ata-babalarymyzdyń rýhanı murasyn nyǵaıtý;
- jastardy patrıottyq rýhta tárbıeleý, t.b.
