QMDB Ortalyq apparaty qyzmetkerleri bir kúndik jalaqysyn aýdardy

QMDB Tóraǵasy, Bas múftı Naýryzbaı qajy Taǵanulynyń bastamasymen aýyr indetpen kúresip jatqan elimizdegi medıtsınalyq mekemelerge jeldetkish quraldaryn (IVL) alý maqsatynda «Zeket qory» «Ómirge úmit syıla» aktsııasyn bastaǵan bolatyn.

Bas múftıdiń osy bastamasyn QMDB Ortalyq apparat qyzmetkerleri qoldap, naýqas jandarǵa qıyn sátte demeý kórsetý maqsatynda «Zeket qorynyń» «Ómirge úmit syıla» aktsııasyna bir kúndik jalaqysyn aýdardy.

«Ómirge úmit syıla» aktsııasyna QMDB-nyń barlyq meshitteri atsalysyp jatyr. Osy rette elimizdegi barsha kásipkerler men qaıyrymdy jandardy osynaý sharaǵa úles qosýǵa shaqyramyz.

Alla Taǵala el-jurtymyzdy juqpaly indetten saqtap, baq-bereke bergeı!