QMDB Qaıyrymdylyq jáne Ýaqyp qorynyń meńgerýshisi taǵaıyndaldy (FOTO)

Búgin QMDB tóraǵasy, Bas múftı Serikbaı qajy Orazdyń buıryǵy boıynsha Almaty qalasyndaǵy «Taýgúl-3» meshitiniń bas ımamy Kamaljan Turdybaev Bekbosynuly QMDB qaıyrymdylyq jáne Ýaqyp isteri bóliminiń meńgerýshisi bolyp taǵaıyndaldy.

QMDB halyqaralyq bóliminiń basshysy Ershat Ońǵarov qasıetti juma namazyna jıylǵan «Taýgúl-3» meshitiniń jamaǵatyna jańa ımamy Ernar Májendi meshit ujymy men jamaǵatqa tanystyryp, qyzmetine tabys tiledi.

Buǵan deıin meshitte ımamdyq etip, «Taýgúl-3» meshitiniń ıgi is sharalarynan bastap, qazirgi tańdaǵy jamaǵatymen kórikti rýhanııat ortalyǵyna aınalýyna úles qosqan Kamaljan Turdybaevqa qazaqy dástúrge saı qurmet kórsetip, ıyǵyna shapan japty.

Kamaljan Turdybaev Bekbosynuly  

1977 jyly 25 mamyr Shyǵys Qazaqstan oblysynda dúnıege kelgen. 

1994-1996 jyly Islam ınstıtýt oqyp, 2007-2012 jyly Semeı memlekettik pedogogıkalyq ınstıtýtyn támamdaǵan.

2012-2014 jyly Semeı Innovatsııalyq ýnıversıtetiniń Pedogogıka jáne psıhologııa magıstrin jáne 2014-2016 jyly Shet tilder jáne Iskerlik karera ýnıversıteti Dintaný magıstrin bitirgen.

Eńbek joly:

Eńbek jolyn 1996-1997 jyly ShQO «Borodýlıha aýdanyna qarasty Stantsııa Aýylynda ımamdyq qyzmetin bastaǵan.

1997-2004 jyly Semeı qalalyq «Tynybaı» meshitiniń naıb ımamy.

2004-2011 jyly «Tynybaı» meshitiniń bas ımamy bolyp qyzmet atqarǵan bolsa, 2011-2013 Qos-Munaraly ortalyq meshittiń naıb ımamy qyzmetterin atqardy.

200132018 jyly QMDB Din isteri bóliminiń meńgerýshisi qyzmetin atqardy.

2018-2019 jyly «Taýgúl-3» meshitiniń bas ımamy bolyp taǵaıyndaldy.