QMDB Qurban aıtqa arnalǵan onlaın baǵdarlama usynady
Erteń musylmandardyń qasıetti merekesi Qurban aıt bastalady. Osyǵan oraı Qazaqstan musylmandary dinı basqarmasy nasıhattyq baǵyttaǵy onlaın sharasyn usynady.
«Qurban aıt – ulyq mereke» dep atalatyn merekelik baǵdarlama tikeleı Efırde Nur-Sultan ýaqytymen 08:00 men 09:00 aralyǵynda ótedi.
QMDB Tóraǵasy, Bas múftı Naýryzbaı qajy Taǵanuly aldymen elimizdiń musylman qaýymyn Qurban aıt merekesimen quttyqtaıdy. Odan ary QMDB Tóraǵasynyń orynbasary, naıb múftı Ershat Ońǵarov qashyqtan (onlaın) qurban shalýdyń ereksheligi, QMDB Dinı bilim jáne kadr daıarlaý bóliminiń meńgerýshisi Smaıyl Seıtbekov qurban shalýdyń tarıhy, QMDB Sharıǵat jáne pátýa bólimi meńgerýshisiniń orynbasary Hasan Amanqulov qurban shalýdyń sharttaryna toqtalady.
Onlaın shara barysynda belgili jazýshy, dramatýrg, Memlekettik syılyqtyń laýreaty Ákim Tarazı, belgili jýrnalıst, Senat depýtaty Nurtóre Júsip, «Egemen Qazaqstan» AQ Basqarma tóraǵasy, UǴA akademıgi Darhan Qydyráli, belgili ǵalym, UǴA akademıgi Dıhan Qamzabekuly t.b el aǵalary merekelik lebizin bildiredi.
Sondaı-aq shara barysynda «Takbır tashrıq», «Qurbandyqqa qandaı mal shalynady?», «Qashyqtan (onlaın) qurban shalýdyń algorıtmi» t.b beınerolıkter kórsetiledi. Tikeleı Efırdi QMDB-nyń youtube jáne ınstagram paraqshalarynan kórýge bolady.
