QMDB qyzmetkerleri – Daǵystan tórinde

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń tapsyrmasymen Daǵystan Respýblıkasyna jumys saparymen barǵan Dinı ońaltý bóliminiń meńgerýshisi Hasan Amanqul men keńse meńgerýshisi Nurbol Shaıqyuly halyqaralyq konferentsııa aıasynda birqatar is-sharalarǵa qatysty.

QMDB qyzmetkerleri «Relıgıoznye ı semeınye tsennostı v dele sohranenııa tradıtsıı: vyzovy nastoıashego ı reshenııa dlıa býdýshego» halyqaralyq konferentsııasynyń kezekti sektsııasy ótken Memlekettik tehnıkalyq ýnıversıtetiniń stýdentterimen kezdesýge qatysty. Hasan Amanqul stýdentterge «Dástúrli qundylyqtar jáne rýhanı tárbıe sabaqtastyǵy» taqyrybynda dáris oqydy.

Budan keıin Dinı basqarma qyzmetkerleri Daǵystan múftıi sheıh Ahmad afandımen arnaıy kezdesip, Bas múftı Naýryzbaı qajy Taǵanulynyń sálemin jetkizdi. Sonymen qatar Daǵystan Respýblıkasynyń múftııatyna zııarat jasap, «Oqý-aǵartý», «Ǵylym», «Pátýa», «Tatýlastyrý» bólimderiniń jumysymen tanysty jáne qalada salynyp jatqan Eýropadaǵy eń úlken meshittiń qurylysyn baryp kórdi.

Sapar sońynda, qazaqstandyq delegattar balalar úshin arnalǵan sport sektsııasyna baryp jas sportshylarmen kezdesý ótkizdi. Hasan Amanqul olarǵa Alla elshisiniń (oǵan Allanyń salaýaty men sálemi bolsyn) «Kúshti musylman álsiz musylmannan jaqsyraq», «Balalarǵa sýda júzýdi, sadaq atýdy jáne atqa minýdi úıretińder» degen hadısterdiń  mazmunyn túsindirip, dene shynyqtyrýdyń dindegi orny jaıynda áńgimelep berdi.