QMDB QYZMETKERLERI QIYNDYQTA ELMEN BIRGE

Qazaqstan musylmandary dinı basqarmasynyń óńirlerdegi sý tasqynynan zardap shekkenderge kómek jınaıtyn arnaıy jedel shtabtaryna 100 tonnadan astam gýmanıtarlyq járdem jınaqtalyp, jiberildi.

Atap aıtqanda, Aqtóbe, Atyraý, BQO, Qostanaı, Qaraǵandy, Ulytaý oblystaryna 100,1 tonna un, 43 tonna un-jarma (kúrish, qaraqumyq, makaron, qant), 9 tonna kúnbaǵys maıy t.b. jetkizildi. Budan bólek 10 kún ishinde «Sý tasqynynan zardap shekkenderge shuǵyl kómek qaıyrymdylyq kerýeni» aktsııasy aıasynda 18 júk tasymaldaıtyn fýra, 77 «GAZel», 1 tirkeme, 12 Toyota Alphard, 8 Evakýator zardap shekken óńirlerge azyq-túlik, turmystyq zattar, qural-saımandar, kórpe-tósek, kıim-keshek tapsyryldy.

Sondaı-aq 2 qaıyq, 3 dana qaıyqqa arnalǵan qozǵaltqysh, 2 dana jaryq generatory, 1776 rezińke etik, 54098 qural-saıman tabystaldy. Múftııat eriktileri 2492 adamǵa kúndelikti ystyq tamaǵyn ázirlep, taratýda. Qaıyrymdylyq sharalaryna QMDB-nyń 1113 qyzmetkeri men volonterler atsalysyp jatyr.

​