QMDB: Ramazanǵa baılanysty baspasóz máslıhaty ótti (FOTO)

01 mamyr 2019 5584 0
Оqý rejımi

Búgin Elordada Qazaqstan musylmandary dinı basqarmasynyń Bas keńsesinde qasıetti ramazan aıyna baılanysty baspasóz məslıhaty ótti.

Dástúrli jıynǵa QMDB Tóraǵasy, Bas múftı Serikbaı qajy Oraz, Birinshi naıb múftı, Nur-Sultan qalasynyń Bas ımamy Naýryzbaı qajy Taǵanuly, QMDB Sharıǵat jəne pətýa bóliminiń meńgerýshisi Sansyzbaı qajy Qurbanuly qatysty. Máslıhattyń moderatorlyq qyzmetin QMDB baspasóz hatshysy Aǵabek Qonarbaıuly júrgizdi.

Jýrnalıstermen bolǵan suhbatta ramazan aıynyń kúni, pitir sadaqasynyń mólsheri, qadir túni men oraza aıttyń kúni, orazaǵa qatysty jalpy məlimetter berildi.

Qasıetti aı qarsańynda halyqqa úndeý joldaǵan Bas múftı:

«Izgi amaldyń saýaby eselenip jazylatyn aıda kópbalaly januıalarǵa qoldaý kórsetip, qarııalar men múgedek jandardyń, jalǵyz basty analardyń batasyn alyp, alǵysyna bólenýge úndeımin. Jetimder men naýqas adamdarǵa qamqorlyq jasaıyq! Bir adamdy qýanyshqa bóleý – sadaqa. Birde súıikti paıǵambarymyz Muhammedten (oǵan Allanyń salaýaty men sálemi bolsyn) bir kisi: «Ýa, Allanyń Elshisi, eń jaqsy adam kim?» – dep suraǵanda, ol: «Eń jaqsy adam – qoǵamǵa, elge paıdasy tıgen pende», – dep jaýap bergen eken. Ramazan aıy qutty bolsyn! Qasıetti aıda ustaǵan orazalaryńyz, jasaıtyn qulshylyq, duǵa-tilekterińiz qabyl bolsyn! Alǵa qoıǵan arman-maqsattaryńyz oryndalyp, orazadan orazaǵa aman-esen jete berýimizdi Alla násip etsin!» – dep atap ótti.

Bas múftıden keıin sóz alǵan Birinshi naıb múftı, Nur-Sultan qalasynyń Bas ımamy Naýryzbaı qajy Taǵanuly:

«Bıylǵy Ramazan aıynda Nur-Sultan qalasynda dástúrli túrde ótkizilip kele jatqan «Muqtajdyń muńyn bólis!», «Meıirimdilik mekeni», «Jaqsylyqta jarysaıyq» atty qaıyrymdylyq aktsııalary úlken kólemde uıymdastyrylatyn bolady. Sondaı-aq, oraza aıt merekesine oraı «Aıttyq bizden bolsyn!» qaıyrymdylyq sharasy ótkiziledi. Alla qalasa, qasıetti ramazan aıynyń ár kúni 2000-nan astam jamaǵat Elorda meshitterinen aýyz ashatyn bolady. Qala ákimshiliginiń qoldaýy arqasynda taraýıh namazdarynan soń tegin qatynaıtyn avtobýstar da bıylǵy jyly jamaǵattyń alǵysyna bólenetin bolady», – dedi.

Óz kezeginde sóz alǵan Sansyzbaı qajy Qurbanuly men Ǵylymbek Jádigeruly orazanyń máni men qadir-qasıeti jaıly nasıhat aıtty.

Basqosý sońynda tilshiler kókeıde júrgen suraqtaryn qoıyp, tıisti jaýap aldy.

 

 

Pіkіrler Kіrý