QMDB: «RANT JÁNE JANT TUǴYRNAMASY» QABYLDANDY (FOTO)

Búgin Almatyda ótip jatqan Respýblıkalyq aqparattyq-nasıhat toby múshelerine arnalǵan semınarda QMDB Tóraǵasy Naýryzbaı qajy Taǵanuly «RANT jáne JANT tuǵyrnamasyn» tanystyrdy.

«Biz ótkende arnaıy tuǵyrnamany bekittik. Sizder ártúrli ortada júresizder. Jamaǵatpen jıi kezdesesizder. Mine, bul qujatta adamdarmen qarym-qatynas jasaǵanda kórkem minezben jaýap berý, ádepke saı kıiný, adamnyń abyroıyna nuqsan keletin dúnıeden aýlaq bolý, áleýmettik jelilerde ádep saqtaý syndy máseleler qamtyldy. Odan bólek Dinı qyzmet týraly zańdy basshylyqqa ala otyryp, QMDB Jarǵysy men qyzmettik Etıkany saqtaý, QMDB bekitken pátýany basshylyqqa alý, aýdıtorııaǵa saı sóıleý, aqıda máselesinde abaı bolý, jamaǵatpen talas-tartysqa barmaý syndy máseleler qujatta qarastyryldy. Sondyqtan tuǵyrnamany árkez basshylyqqa alýlaryńyzdy suraımyn» dedi Bas múftı.

Aıta keteıik, «RANT jáne JANT tuǵyrnamasy» QMDB Ǵulamalar keńesiniń kezekti májilisinde talqylanyp, bekitilgen bolatyn.