QMDB: RESPÝBLIKA KÚNINE ORAI I HALYQARALYQ QURAN JARYSY ÓTEDI

Qazaqstan musylmandary dinı basqarmasynyń uıymdastyrýymen 2023 jyldyń 1-2 qarasha kúnderi Astana qalasynda ulttyq merekemiz – Respýblıka kúnine oraı I halyqaralyq Quran jarysy ótedi.

QMDB janyndaǵy Respýblıkalyq bas meshitte tuńǵysh ret ótetin halyqaralyq Quran jarysyna Indonezııa, Malaızııa, Birikken Arab Ámirlikteri, Saýd Arabııa Koroldigi, Amerıka, Mysyr Arab Respýblıkasy, Túrkııa, Reseı, Kýveıt, Gvıneıa syndy 30 elden keletin qarılar Qurandy tolyq jatqa oqýdan baq synaıdy. Halyqaralyq Quran jarysyna Túrkııa, Mysyr Arab Respýblıkasy, Birikken Arab Ámirlikteri, Ózbekstan Respýblıkasynan keletin álemge tanymal, tájirıbeli qarılar qazylyq etpek.

Eske sala keteıik, eki kúnge sozylatyn Quran jarysy múftııattyń tól «Munara TV» telearnasynan, «Mýftııat QMDB» YouTube arnasynan, Dinı basqarmanyń resmı áleýmettik jelilerindegi paraqshalarynan tikeleı Efır arqyly kórsetiledi.