QMDB SARAPShYLAR KEŃESINIŃ III MÁJILISI ÓTTI (FOTO)
Búgin Almatyda Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasy janyndaǵy Sarapshylar keńesiniń úshinshi májilisi ótti.
Keńes jumysyna elimizge tanymal ǵalymdar, sarapshylar, ustazdar qatysty.
Bas múftı Naýryzbaı qajy Taǵanuly QMDB Sarapshylar keńesiniń qoǵamdaǵy rólin aıryqsha atap ótti. «Biz búginde jaýapty kezeńde ómir súrip otyrmyz. Ár zamannyń ózine tán máselesi bar. Dinı salada da júzege asyratyn jobalar jetkilikti. Osy baǵytta birge atqaratyn jumystar kóp. Barshańyzdy ortaq maqsattardy birlese júzege asyrýǵa shaqyramyn», – dedi Naýryzbaı qajy Taǵanuly.
Májiliste ulttyq qundylyqtardy keshendi túrde nasıhattaý, jańa Qazaqstanda jańa dinı-rýhanı jobalardy iske asyrý máseleleri talqylandy.
Keńes músheleri dinı saladaǵy jumysty zamanaýı tásilder arqyly jetildirýge qatysty usynystaryn jetkizdi.
