QMDB Saraptaý komıssııasy Almatyda synaq júrgizdi (FOTO)
Almaty qalasynda Qazaqstan musylmandary dinı basqarmasynyń saraptaý komıssııasy jańadan taǵaıyndalatyn din qyzmetkerleriniń bilim deńgeıin tekserý synaǵyn júrgizdi.
Birer kún buryn Almaty qalasy men oblysy, Taldyqorǵan aımaǵy, Jambyl oblysyna qarasty birqatar meshit ımamdary men din qyzmetkerleriniń bilim deńgeıin anyqtaý maqsatynda QMDB saraptaý bólimi jumysyn bastaǵan bolatyn. Saraptaý komıssııasy quramynda QMDB Tóraǵasynyń orynbasarlary Sansyzbaı Qurbanuly men Kenjeáli Qońyratbaıuly, sondaı-aq Bas múftı keńesshisi Kenjetaı Baıkemeluly bar.
Synaq deńgeıi saraptaý komıssııasynyń talabyna sáıkes aýyzsha suraq-jaýap pen testileý ádisi boıynsha júrgizildi. Aýyzsha suraq-jaýapta qyraǵat, tájýıd, ıslam tarıhy, «Jeti rýhanı qazyq» boıynsha saýaldar qoıylsa, testileýde din qyzmetkerleri aqıda, fıqh, ákimshilik júıe (Zań) sheńberinde synaq tapsyrdy.
Aıta keteıik, Almaty qalasy boıynsha 13 din qyzmetkeri synaq tapsyryp, bilim deńgeıi anyqtaldy.
