QMDB: TOǴYZ AIDYŃ ESEBI TYŃDALDY (FOTO)
Elordada Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasynyń kezekti Apparat jınalysy ótti. Jeti baǵyt boıynsha respýblıka kóleminde 2022 jyldyń qańtar-qyrkúıek aılary aralyǵynda atqarylǵan jumys esebi tyńdaldy.
QMDB Tóraǵasyna dinı bilim jáne ǵylym, ýaǵyz-nasıhat jáne ıhsan, din men dástúr, sondaı-aq aqparat jáne aǵartý baǵyttary boıynsha toǵyz aıdyń esebi baıandaldy.
«Dinı basqarmanyń ıgi is-sharalary men ýaǵyz-dáristeri ortalyqtan bólek aýdan, aýyl turǵyndaryna keńinen nasıhattalýy tıis. Dinmen sabaqtasqan dástúrimizdi halyqqa kóbirek nasıhattaýdy, osy baǵytta aýqymdy sharalardy jıi uıymdastyrýdy tapsyramyn. Jamaǵattyń dinı saýatyn arttyrýǵa kóp kúsh salý qajet», – dedi Naýryzbaı qajy Taǵanuly.
Qazaqstan musylmandary dinı basqarmasy bıyl dinı bilim jáne ǵylym, ýaǵyz-nasıhat jáne ıhsan, din men dástúr, aqparat jáne aǵartý, qoǵammen baılanys, ýaqyp jáne qaıyrymdylyq, dinı ońaltý baǵyttaryna basymdyq berip, aýqymdy jumystar atqarýda.
Eske sala keteıik, Apparat jınalysy erteń de jalǵasyp, qalǵan úsh baǵyt boıynsha jumys esebi tyńdalady.
