QMDB TÓRAǴASY 612, 613-PÁTERLERDIŃ KILTIN TABYSTADY (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Shymkent qalasyna barǵan saparynda «Zeket jáne qaıyrymdylyq» qorynyń «El úlesi – páterge» jobasy aıasynda baspanaǵa asa muqtaj qos otbasyǵa 612, 613-páterlerdiń kiltin tabystady.

«Biz «Qaıyrymdylyq jasasań, qaıyryn óziń kóresiń» degen ataly sózdi ómirlik ustanymǵa aınaldyrǵan halyqpyz. Qazaqstan musylmandary dinı basqarmasy kúndelikti jumysynda jeti baǵytqa basymdyq beredi. Sonyń biri – ýaqyp jáne qaıyrymdylyq baǵyty. Biz qashan da óz múmkindikterimiz aıasynda azamattarymyzǵa kómek berýge daıynbyz. Jańa baspanańyz qutty bolsyn. Ishi janǵa, syrty malǵa tolyp, berekeli úılerdiń biri bolǵaı. Ámın!» dedi Naýryzbaı qajy Taǵanuly.

Bul jolǵy baspana Nurdáýlet Nurlanuly men Orynbasar Shardarbekulynyń otbasyna buıyrdy.