QMDB TÓRAǴASY: ÁBSATTAR HAZIRET SAIYN DALANYŃ SAŃLAQTARYN TÚGENDEDI (FOTO)
Búgin Almaty qalasyndaǵy ál-Farabı atyndaǵy Qazaq ulttyq ýnıversıtetinde kórnekti ǵalym, akademık, dıplomat Ábsattar qajy Derbisáliniń 75 jyldyǵy men memlekettik, qoǵamdyq jáne dinı qyzmetiniń 50 jyldyǵyna arnalǵan «Shyǵystaný jáne rýhanııat máseleleri» taqyrybynda bastalǵan halyqaralyq ǵylymı-teorııalyq konferentsııasyna qatysqan Bas múftı Naýryzbaı qajy Taǵanuly osylaı dedi.
«Ábsattar qajy Derbisáli haziret Bas múftı qyzmetin atqarýmen qatar saıyn dalanyń sańlaqtaryn túgendep, umyt qalǵan ulylarymyzdy tiriltti. Sheteldik saparlary kezinde kitaphanalar men qoljazba qorlaryna arnaıy baryp, uly dalamyzdan shyqqan ǵalymdardyń eńbekterin qazaq tilinde sóıletti. Qazaq ıslam dinin qabyldap qana qoımaǵan, ıslam ǵylymy men mádenıetine ózindik úlesin qosqan halyqtyń biri ekenin dáleldeı bildi. Iaǵnı, Farabıler men Túrkistanıler, Syǵnaqılar men Tarazıler, Saıramıler men Kerderılerdi ǵylymı aınalymǵa engizdi» dep atap ótti Naýryzbaı qajy Taǵanuly.
