QMDB tóraǵasy ál-Azhar meshitinde boldy (FOTO)
Búgingi jumys kestesine oraı QMDB Tóraǵasy, Bas múftı Naýryzbaı qajy Taǵanuly Kaırdegi ál-Azhar meshitine zııarat jasady. Keıin osy meshitte ornalasqan Pátýa berý ortalyǵynyń jumysymen tanysty.
Ortalyq mamandarynyń sózinshe, munda kelýshilerdiń negizgi suraǵy neke, mıras máseleleri tóńireginde. Bul jerde saýaldarǵa jaýap berý úshin 6 múftı otyrady. Kúnine shamamen 120 adam keledi. Bas múftı Dinı basqarmada sharıǵat jáne pátýa mamandarynan quralǵan osyndaı bólimniń bar ekenin aıtty.
Osydan keıin QMDB Tóraǵasy bastaǵan delegatsııa ál-Azhar meshitindegi Qaıtpaı sultan zamanynda salynǵan sáýletti eki munaranyń birine bardy. Sol dáýirde salynǵan munara, kireberis qaqpadaǵy oıýlar buzylmaı saqtalǵan.
Aıta keteıik, ál-Azhar meshitiniń irgetasyn 972 jyly Mysyrdaǵy fatımıdter áýletiniń bıleýshisi Jaýhar Assyqlı ál-Mýızz qalaǵan. Ál-Azhar – fatımıdterdiń Mysyrda saldyrǵan eń alǵashqy eskertkishi. Bul meshitte bir mezgilde 20 myń adam namaz oqı alady.
