QMDB TÓRAǴASY ÁLI ERBAShPEN «MÚFTILER ALQASYNYŃ» MAŃYZYN TALQYLADY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly túrki memleketteriniń «Múftıler alqasy» aıasynda Túrkııa Din isteri basqarmasynyń tóraǵasy Álı Erbashpen kezdesti.
Kezdesýde túrki memleketteriniń yntymaqtastyǵyn arttyrý máselesi sóz boldy.
«Shaqyrtýymdy qabyl alyp kelgenińiz úshin Sizge taǵy da rızashylyq nıetimdi jetkizemin. Alla razy bolsyn! Túrki memleketteriniń «Múftıler alqasy» ıgi isterimizge serpin beredi degen senimdemin» dep atap ótti Naýryzbaı qajy Taǵanuly.
Óz kezeginde Álı Erbash: «Ózińiz jaqsy bilesiz, túrki memleketteriniń prezıdentteri Stambul qalasynda bas qosyp, ortaq múdde jolynda yntymaqtastyqty arttyrýǵa kelisti. Prezıdentterimizdiń bul bastamasyna din qaıratkerleri ún qosyp, qoldaý kórsetýde. Sonyń naqty aıǵaǵy retinde Túrkistanda ótip jatqan «Múftıler alqasyn» aıtýǵa bolady. Bul bastama halyqaralyq deńgeıdegi izgi is-sharalarǵa yqpal etedi» dedi.
Kezdesý sońynda taraptar baýyrlas elderdiń dinı saladaǵy baılanysyn nyǵaıtýǵa ýaǵdalasty.
