QMDB TÓRAǴASY AQSAQALDAR KEŃESINIŃ KEZEKTI MÁJILISINE QATYSTY (FOTO)

Búgin Astana qalasynda Qazaqstan musylmandary dinı basqarmasy janyndaǵy Aqsaqaldar keńesiniń kezekti májilisi ótti.

Keńes jumysyna Qazaqsan musylmandary dinı basqarmasynyń tóraǵasy Naýryzbaı qajy Taǵanuly, Aqsaqaldar keńesiniń músheleri, memleket jáne qoıǵam qaıratkerleri Ómirzaq Ozǵanbaıuly, Ádil Ahmetov, Jabal Erǵalıev, Baqytjan Ertaev, Marat Toqashbaev t.b. zııaly qaýym ókilderi qatysty.

Keńes jumysyn ashqan Bas múftı Naýryzbaı qajy Taǵanuly: «Ózderińizge málim, bıyl jyl basynda elimizde bolǵan synaqtar bir aýyz sózimen daýdy toqtata biletin, bir rýdy ǵana emes, bútin eldi birlikke, uıymshyldyqqa, tatýlyqqa uıyta alatyn aqsaqaldardyń orny men qoǵamdaǵy róliniń mańyzyn aıqyndaı tústi. Biz sizderdiń kómekterińizben ultymyzdyń umytyla bastaǵan aqsaqaldar ınstıtýtyn qaıta jańǵyrtýǵa kúsh salyp kelemiz. Bul baǵyttaǵy ortaq jumysymyz udaıy jalǵasa beredi degen senimdemin», – dep atap ótti Naýryzbaı qajy Taǵanuly.

Keńestiń kezekti májilisinde Dinı basqarma ázirlep jatqan «Babalar izimen: qazaq dalasyndaǵy musylmandyq mektep» kitabynyń mazmuny talqylanyp, aqsaqaldar tarapynan tıisti usynys-pikirler aıtyldy.