QMDB tóraǵasy Aqtóbede zııaly qaýym ókilderimen suhbattasty (FOTO)

Búgin Aqtóbe oblysyna jumys saparymen barǵan Bas múftı Naýryzbaı qajy Taǵanuly osy óńirdegi zııaly qaýym ókilderimen kezdesti.

Kezdesýge oblystyq ardagerler keńesiniń músheleri, QMDB aqsaqaldar keńesiniń músheleri, aqyn-jazýshylar men ǵalymdar qatysty.

Basqosýda QMDB Tóraǵasy Dinı basqarmanyń jeti baǵyt boıynsha atqaryp jatqan jumystary, oqý-aǵartý salasynda júzege asyp jatqan ıgi bastamalar týraly baıandady.

Kezdesýde aqyn, pýblıtsıst, aýdarmashy Meıirhan Aqdáýletuly, S.Báıishev atyndaǵy Aqtóbe ýnıversıtetiniń aǵa oqytýshysy Aqylbek Dadın, Q.Jubanov atyndaǵy Aqtóbe óńirlik memlekettik ýnıversıtetiniń aǵa oqytýshysy, belgili tarıhshy Aıshýaq Dármenuly, t.b. ǵalymdar Dinı basqarma shyǵarǵan «Ihsan – rýhanı tárbıe negizi», «Tolyq adam» kitaptar týraly usynys-pikirlerin bildirdi. Kezdesý sońynda atalǵan qos kitaptyń tusaýkeser rásimi ótip, zııaly qaýym ókilderine syıǵa berildi.