QMDB TÓRAǴASY BAS MEShITTE JUMA ÝAǴYZYN AITTY (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly elordadaǵy Respýblıkalyq bas meshitte juma ýaǵyzyn aıtty.
«Talaq – Alla súımeıtin is» taqyrybynda ýaǵyz aıtqan Bas múftı qoǵamdaǵy erli-zaıyptylardyń ajyrasýyn sharıǵatymyz ruqsat etken nárselerdiń ishinde Alla Taǵala úshin eń unamsyz is ekenin aıtty.
«Otbasy – shaǵyn memleket. Otbasy – súıispenshiliktiń, qurmet pen yntymaqtastyqtyń mekeni. Zııaly da izgi qoǵam jaqsy otbasydan quralady. «Otan otbasydan bastalady», «Otan – qýat, otbasy – shýaq», «Otbasynyń sáni – syılastyq, dostyń sáni – qımastyq», degen sózderdiń astarynda úlken mán jatsa kerek. Eki jastyń úılenýi úı bolýǵa ákeledi. Úılený – adamzat urpaǵynyń kóbeıýine, jer betinde saqtalýyna ákeletin tabıǵı qubylys. Dinimiz ıslam áıel balasyna úılengennen keıin eriniń amanatyna jatqyzady, oǵan qurmetpen qaraýdy buıyrady.
Al ajyrasýdyń qoǵamǵa tıgizer zııany óte kóp. Ol tek eki adamnyń sózi jaraspaǵany úshin eki jaqqa ketý ǵana emes, ortadaǵy urpaqtyń psıhologııasyna, tárbıesine, tipti bolashaǵyna zııan tıgizý ekenin umytpaý kerek. Osyndaı sátti paıdalanǵan shaıtan kóńilin muń basyp, jarynan ajyrasqan jannyń júregin aldamshy nársemen basý úshin aldymen qumar oıyndarǵa qyzyqtyryp, keıin araq-sharap syndy neshe túrli masaıratatyn, aqylynan adastyratyn kúnáli amaldarǵa ıtermeleıdi» dedi Naýryzbaı qajy Taǵanuly.
QMDB Tóraǵasy juma namazynan keıin meshit jamaǵatymen birge el amandyǵy men tynyshtyǵy úshin duǵa jasap, jastarǵa adal jar, qaıyrly neke, uzaq ta baqytty otbasylyq ómir tiledi.
