QMDB tóraǵasy «Dinı Ekstremızmge qarsy is-qımyl ortalyǵy» jumysymen tanysty
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Almaty qalasyna is-sapary barysynda Nur-Múbarak ýnıversıteti janyndaǵy Dinı Ekstremızmge qarsy is-qımyl ortalyǵynyń jumysymen tanysty.
Deradıkalızatsııa mamandarymen ótken kezdesýde ortalyq dırektory Tımýr Núsiphanuly jumys barysymen tanystyrsa, keıin jan-jaqty jumys jaıly arnaıy ázirlengen beınabaıan nazarǵa usynyldy.
«Elimizdiń dinı tutastyǵy jolynda bizdiń jaýapkershiligimiz joǵary. Sebebi jat dinı aǵymdar qashanda bolǵan, bola beretini belgili. Sondyqtan jat aǵym qurbandaryn ońaltý jumystary óte aýqymdy ekenin túsinemin» dedi QMDB Tóraǵasy.
Al ortalyq dırektory Tımýr Núsiphanuly 2021 jyldan beri QMDB ımamdary men aımaqtyq din isteri basqarmalary, olarǵa qarasty ortalyq teologtaryna arnalǵan 7 kýrsta jalpy 658 maman, sondaı-aq «Jýsan» gýmanıtarlyq operatsııasymen qaıtarylǵan jáne destrýktıvti dinı aǵym jetegindegilerdi ońaltý sharalary boıynsha 5 aımaqtyń 200-ge jýyq ókiline arnaıy kýrstar ótkenin tilge tıek etti.
Bas múftı ortalyq jumysymen tolyq tanysyp, osy salada dáris beretin ýnıversıtettiń oqytýshy-professorlar quramyna aıryqsha alǵysyn bildirdi. Prorektor, dotsent Qaırat Qurmanbaev ta Naýryzbaı qajy Taǵanulyna QMDB tarapynan ýnıversıtetke jasalyp jatqan qamqorlyq úshin rızashylyǵyn jetkizdi.
