QMDB TÓRAǴASY DINI OŃALTÝ SALASY MAMANDARYN MARAPATTADY (FOTO)

QMDB Tóraǵasy, Bas múftı Naýryzbaı qajy Taǵanuly Almaty qalasyna barǵan issaparynda dinı ońaltý salasynyń úzdik mamandaryn marapattady.

«Bıyl Qazaqstan musylmandary dinı basqarmasy jeti baǵyt boıynsha nátıjeli jumys istedi. Astanada ótken múftııattyń keńeıtilgen tóralqa májilisinde atalǵan baǵyttar boıynsha esep berildi. Dinı basqarmanyń osy jeti baǵytynyń biri – dinı ońaltý. Bul baǵyt boıynsha Almaty qalasynyń din qyzmetkerleri ozyq nátıje kórsetti», – dedi Naýryzbaı qajy Taǵanuly.

Bas múftı Almatydaǵy dinı ońaltý salasynyń 7 mamanyna alǵys hat pen qarjylaı syıaqy berdi. Sondaı-aq QMDB Dinı ońaltý bóliminiń Almaty qalasyndaǵy jaýapty ókili Rýslan Qaıyrgeldini QMDB-nyń merekelik medalimen marapattady.

Aıta keteıik, Rýslan Qaıyrgeldi bıyl Prezıdent Jarlyǵymen «Shapaǵat» medalimen nagradtalǵan bolatyn.

​