QMDB tóraǵasy Islam ınstıtýtynda ımamdarmen suhbattasty (FOTO)
QMDB Tóraǵasy, Bas múftı Naýryzbaı qajy Taǵanuly Almatydaǵy ımamdardyń bilimin jetildirý Islam ınstıtýtynda bolyp, ımam-moldalarǵa daǵýat ádisteri jaıynda dáris oqydy.
Bas múftı dáris barysynda ınstıtýtta bilimin jetildirip jatqan ımam-moldalarǵa Dinı basqarmanyń bıylǵy jeti jumys baǵyty týraly baıandady. Sonymen qatar ımamnyń jaýapkershiligi jaıynda sóz qozǵady.
«Imamdardyń jan-jaqty, bilimdi bolýy – zaman talaby. Sebebi ımam – qoǵamdy tárbıeleýshi, aǵartýshy tulǵa. Qazirgi tańda ımamdarymyzǵa danalyq aýadaı qajet. Din qyzmetkerleri myqty ýaǵyzshy bolýymen qatar, únemi izdenis ústinde júrip, salaýatty ómir saltyn saqtap, súnnet jolynan taımaýy tıis» dedi Naýryzbaı qajy Taǵanuly.
Sondaı-aq QMDB Tóraǵasy ımamdarǵa meshitke kelýshi jamaǵatqa qajetti jaǵdaı jasaý kerektigin alǵa tartty.
«Múmkindigi shekteýli jandarǵa da jaǵdaı jasaý – bizdiń nazarymyzda. Osy rette sizderge aıtarym – meshitke kelýshi árbir azamatqa joǵary deńgeıde kóńil bólip, rýhanı suranysyn qanaǵattandyrýǵa kúsh salyńyzdar», – dedi Bas múftı.
