QMDB tóraǵasy Kaırde elshimen kezdesti

Bas múftı Serikbaı qajy Oraz Egıpet Arab Respýblıkasyna jasaǵan resmı sapary aıasynda elimizdiń Egıpettegi Tótenshe jáne Ókiletti elshisi Arman Isaǵalıevpen kezdesti.

Kezdesý barysynda eki eldiń rýhanı, mádenı, bilim salasyndaǵy qarym-qatynasy sóz boldy. Sonymen qatar Mysyrda oqyp júrgen Qazaqstan azamattary jaıly, olardyń tynys-tirshiligi, bilimi týraly áńgimelendi. Arman Qaıratuly elshilik tarapynan Qazaqstan azamattaryna qoldaý kórsetilip jatqanyn jetkizdi.

Óz kezeginde Bas múftı Serikbaı qajy Satybaldyuly Kırdegi áıgili ál-Azhar ýnıversıteti, múftııaty men QMDB arasynda qabyldanǵan memorandým aıasynda júzege asyp jatqan birlesken jobalar men bastamalardy atap ótti.

Kezdesý sońynda taraptar joǵary bilikti dinı maman daıyndaý baǵytyndaǵy is-sharalardy birlese atqarýǵa ýaǵdalasty.